般尼茅夫大舉進宮

发布时间:[2018/10/1 23:25:08] 来源:体城网

踢法有前冇後唔會縮

周二凌晨英超獨腳戲,般尼茅夫主場硬撼水晶宮。不嬲打開進攻足球嘅般尼茅夫,今季入得又失得,呢場面對實力差唔多,同樣有強勁攻擊手壓陣嘅水晶宮,擺明鬥攻格局肯定大把入波睇,中位數2.5球大盤唔好錯過。

(Now 632周二凌晨3時直播)

英超出晒名競爭激烈,為咗殺出一條血路,各隊主帥都要冒住隨時畀老細炒魷嘅風險,往往變得「功利」,入到「燕梳球」就即收油死守。相比之下,般尼茅夫主帥艾迪侯域卻屬異數,呢位英格蘭領隊崇尚進攻,一開波就不斷衝擊對手防線直到最後一刻,呢種踢法不但成功取悅到一班球迷,近幾季仲喺英超站穩陣腳,連會方都錫到佢燶,所以上任近6年以嚟地位依然穩如泰山,喺呢個換帥如家常便飯嘅聯賽絕對唔容易。雖然今季般尼茅夫老牌射手迪科爾不敵歲月坐多過踢,但球隊成功留住哥林威爾遜、祖舒亞京治同賴恩費沙等攻擊手,呢班艾帥嘅「子弟兵」夾慣夾熟,進攻效率自然有保證。

相比之下,防守甩漏問題一直都係般尼茅夫嘅致命傷,佢哋近5仗聯賽都有失波,上輪仲作客以0比4不敵攻擊力唔算標青嘅般尼,如果計埋盃賽,般尼茅夫近7仗6次開大盤,其中攻入14球,同時有13粒失波,甚有「有前冇後、打死罷就」風範!

水晶宮有力駁火

至於水晶宮今季走勢相當飄忽,好彩經歷3連敗終於回魂,近2仗都有分落袋,況且球隊擁有韋費特沙夏同安祖斯唐辛等攻擊好手,絕對夠料同般尼茅夫鬥數胡,今仗中位數2.5球嘅入球大相當值博。
 

www.city008.com
上一篇:賀芬咸曼城早場駁火下一篇:没有了
返回首页 | 关于我们 | 版权所有 | 免责申明 | 广告联系 | 网站建设 | 网站地图 | 赛事分析 | 体城心水 | 会员中心 | 足球比分 | 足球指数 |
Copyright © 2007 - 2017 体城网 Inc. All Rights Reserved. | E-Mail:1394124893@qq.com | 沪ICP备15001284号-1