紐卡素半場和頂住!

发布时间:[2018/10/6 10:32:48] 来源:体城网

曼聯內訌打亂章
周日凌晨英超尾場,曼聯將會主場火併「喜鵲」紐卡素。曼聯低迷表現一浪接一浪,搞到莫連奴帥位岌岌可危,今場對紅魔嚟講雖然非勝不可,不過佢哋進攻毫無章法,入球能力唔值得信賴,睇好由賓尼迪斯帶領嘅喜鵲可以守住半場,半場和值得推介。

(Now 621周日凌晨零時30分直播)

曼聯依然未擺脫近期低迷走勢,繼早前聯賽1比1遭狼隊逼和之後,上輪作客再以1比3不敵韋斯咸;連續兩輪聯賽失分,尤其主場發揮曳到爆,計埋英聯盃同歐聯,紅魔已經近4仗主場未贏過波。一連串令人失望嘅演出之後,莫講話出名要求高嘅魔迷,就連球隊高層都似乎忍無可忍,隨時有可能炒莫連奴魷魚。

恩斯斥紅魔Hea踢
有睇開波嘅球迷都知道莫帥雖然係寸嘴,不過處境艱難嘅時候,寸王依然會企出嚟做擋箭牌為球員發聲,不過班波有冇心為領隊賣力,就係另一回事,早前紅魔名宿恩斯就直指隊中明顯有球員Hea踢,藉此拉低成績送莫帥一程。查實曼聯將帥不和已經係公開嘅秘密,尤其上季弗爆嘅進攻核心連格,近期已多次被剔出大軍名單,加上曼聯今季嘅踢法完全可以用冇譜嚟形容,場上球員各自為戰嘅情況比比皆是,就算保羅普巴同盧卡古等個人能力再標青,都好難喺英超發圍,明顯已經技窮嘅莫帥,今場與其再靠呢班球員保命,不如諗定後路好過。

喜鵲作客守陣應戰
俗語有話不是冤家不聚頭,莫帥風頭火勢之時,今場又要硬撼老對手賓尼迪斯,認真惡頂。不過賓尼迪斯喺紐卡素嘅處境都唔係好莫連奴幾多,皆因喜鵲整體實力欠奉係不爭事實,呢位一直要求引入高質球員嘅西班牙領隊,得唔到班主艾殊利嘅支持,想搶分惟有靠戰術搭夠。況且紐卡素近3次英超作客,半場都同對手打和,今場面對實力明顯更優勝嘅曼聯,賓帥多數都會擺出鐵桶陣應戰,兩隊進攻冇料到嘅情況下,半場和相信冇走雞。

www.city008.com
上一篇:洛里斯發波瘟熱刺大鑊下一篇:没有了
返回首页 | 关于我们 | 版权所有 | 免责申明 | 广告联系 | 网站建设 | 网站地图 | 赛事分析 | 体城心水 | 会员中心 | 足球比分 | 足球指数 |
Copyright © 2007 - 2017 体城网 Inc. All Rights Reserved. | E-Mail:1394124893@qq.com | 沪ICP备15001284号-1